Lan poltsa osatzeko deialdia eta oinarriak, Lagrán eta Haranako Udalen Elkarteko idazkari-kontuhartzaile lanpostua betetzeko, bitarteko izaerarekin

Ikus oinarrien argitalpena  ALHAO 88 zenbakiko aldizkaria, astelehena, 2026.eko abuztuak 3 egunekoa

  Arabako Lagrán eta Haranako Udalen Elkarteko idazkari-kontuhartzaile lanpostua bitarteko izendapen bidez betetzeko, merezimendu lehiaketa bidez hautagaiak hautatzeko eta lan poltsa osatzeko oinarri arautzaileak Lehenengoa.

Deialdiaren helburua Deialdi honen helburua da merezimendu lehiaketa bidez hautatzea Lagrán eta Haranako Udalen Elkarteko idazkari-kontuhartzaile lanpostua, hala badagokio eta bitarteko izendapenaren bidez, betetzeko lan poltsa osatuko duten hautagaiak.

Lan poltsa osatzeak ez du esan nahi, nahitaez, bitarteko izendapena egingo denik, eta hautaketa prozedura honetatik sor daitekeen izendapenak ez du inola ere ekarriko karrerako funtzionario izaera aitortzea.

Nolanahi ere, administrazioak ofizioz formalizatuko du bitartekotasun harremanaren amaiera, honako arrazoi hauetako edozeinengatik, eta bitarteko funtzionarioak ez du konpentsaziorik jasotzeko eskubiderik izango:

a) Lanpostua araututako eran karrerako funtzionarioek betetzeagatik, legez ezarritako edozein prozeduraren bidez.

b) Esleitutako lanpostua kentzea edo amortizatzea eragiten duten antolaketa arrazoiengatik.

c) Izendapena eragin zuen arrazoia amaitu delako.

Nolanahi ere, bitarteko funtzionarioak izendatu eta hiru urtera, bitarteko harremana amaitu egingo da (Enplegatu Publikoaren Oinarrizko Estatutuaren Legearen testu bategina onesten duen urriaren 30eko 5/2015 Legegintzako Errege Dekretuaren 10.4 artikulua).

Bigarrena. Lanpostuaren ezaugarriak Honako hau bitarteko langileen bidez betetzeko merezimendu lehiaketarako deialdia egiten da: Lanpostuaren izena eta maila: Idazkaritza, 3. maila

Azpieskala: Idazkaritza-kontuhartzailetza.

Taldea: A1/A2.

Destino osagarria: 26.

Berariazko osagarria: 29.130,50 euro urtean.

Hizkuntza eskakizuna: C1 simetrikoa (C1C1) Derrigortasun data: 2025eko ekainaren 20a

Laugarrena. Eskaerak Oinarri hauen eranskinean adierazitako ereduaren araberako eskaerak Lagrángo Udaleko alkateari zuzendu behar zaizkio (Errementari kalea 1). 01118 Lagrán (Araba), hamar egun balioduneko epean, deialdi hau ALHAOn argitaratu eta hurrengo egunetik aurrera.

Lagrángo Udaleko erregistro orokorrean aurkeztu ahal izango dira jendearentzako zerbitzu egun eta orduetan, astelehenetik ostiralera, 9:00etatik 14:00etara.

Udalaren egoitza elektronikoaren bidez ere aurkeztu ahal izango dira: https://udalenegoitza.araba.eus/lagran/web/inicioWebc.do?opcion=noreg&entidad=LAGRAN&idioma=3

Era berean, Administrazio Publikoen Administrazio Prozedura Erkidearen 39/2015 Legeak 16. artikuluan ezartzen dituen tokietako edozeinetan ere aurkeztu ahal izango dira. Ezinbesteko baldintza da eskaerarekin batera sartzeko baldintzak eta alegatutako merezimenduak betetzzen direla egiaztatzen duten agirien kopia aurkeztea (NANa, graduko titulua eta gidabaimena).

​