MUGIKORTASUN JASANGARRIAREN ETA BIDE AZPIEGITUREN SAILA
JENDAURREKO INFORMAZIOA

Foru Gobernu Kontseiluaren 2026ko martxoaren 10eko 136/2026 Erabakiaren bidez, “Lagranen
biltegi berria eraikitzeko proiektua”k eragindako ondasun eta eskubideen zerrendari hasierako
onarpena eman zaio.

Hori dela eta, indarrean dagoen Nahitaezko desjabetzearen Legeak 17. eta 18. artikuluetan eta
lege hori garatzen duen Arautegiak 17. artikuluan ezarritakoaren babespean, aipatutako zerrenda
jendaurrean jarriko da 15 egun balioduneko epean, iragarki hau argitaratu eta hurrengo egunetik
kontatzen hasita.
Epe horren barruan, argitaratutako zerrendan izan litezkeen akatsak zuzentzeko datu egokiak
idatziz aurkeztu ahal izango ditu edonork, edo okupatu beharraren aurka ere agertu ahal izango
da, funtseko nahiz formako arrazoiengatik. Azken kasu honetan, adierazi beharko du zergatik
jotzen duen egokiagotzat, lortu nahi den helbururako, azaldutako zerrendan jasotzen ez diren
beste ondasun batzuk okupatzea edo beste eskubide batzuk eskuratzea.
Alegazioak xedatutako epearen barruan aurkeztu beharko dira, Arabako Foru Aldundiaren
Erregistro Orokorrean edo Administrazio Publikoen Administrazio Prozedura Erkidearen
urriaren 1eko 39/2015 Legearen 16.4 artikuluan ezarritako edozein lekutan, Mugikortasun
Jasangarriaren eta Bide Azpiegituren Sailaren Lege eta Administrazio Zerbitzuari zuzenduta
(Probintzia Plaza, 4 – 6. solairua, 01001 Gasteiz).
Interesa duten erakunde, entitate, korporazio eta partikularrek eskuragarri dituzte lurzatien
planoak eta eraginpekoen zerrenda, Lagrango Udaletxeko ediktu taulan, Arabako Foru
Aldundiko Ingurumen Kalitatearen Zerbitzuan, eta, ALHAOn argitaratzen denetik aurrera,
esteka honetan: https://irekia.araba.eus/eu/expropiaciones

Ikusi documentua PDF

Vitoria-Gasteiz, 2026ko martxoaren 13a.- Bide Azpiegituren zuzendaria.- MARÍA ÁNGELES
GUTIÉRREZ ONDARZA.