Agenda
Hemen aurkituko dituzu kategorien arabera programatuta dauden jarduerak. Eguna, ordua, lekua eta prezioa agertuko dira, besteak beste.
TXONDOR PLAZA Antzerkia Argimalutak taldea
2026/03/28tik 2026/03/28ra
00:00 - 00:00
Lagran
Doako
TXONDOR PLAZA Antzerkia Argimalutak taldea
Korrika kulturalaren barnean
Martxoaren 28an
Lagranen, Kiroldegian
Ikazkin bat. Mendi bat. Txondor bat pizteko zorian, azkenekoa akaso. Txondor barrenean egurra egosten den bitartean, poliki-poliki ikatz bihurtuz, inguruan beste zerbait aldatzen da ere: oroitzapenak, bizitzak, denbora bera. Txondorrak arnasa hartzen du. Taupadak egiten ditu. Eraldatzen da. Eta harekin batera, inguruan dagoen guztia. Zerk egin gaitu garen bezalako? Zerk ber-piztu dezake itzalitzat jotzen genuena? Gure ke-seinaleei erreparatu. Zure hatsak su hau suspertzen lagundu dezala . Betirako desagertu baino lehen, oroimenaren txinpartak harrapa gaitzala. Txondorra zure plazara heldu da. Ke artean, egur artean eta isiltasunean, ikazkinek menditan ziharduten belaunaldiz-belaunaldi. Haien ofizioa, ia desagertua, naturarekiko lotura sakona zeukan bizimodu xumearen lekuko izan zen. Txondor Plaza ikuskizunak, oroimen hori bizirik mantendu nahi du zirkuantzerkiaren bitartez. Antzezle bakar batek, ikazkinari bizia ematen dio basoan emandako azken egunak irudikatuz; arnasa hartzen duen eta kea darion txondorraren ondoan, bere etxola, ohiko tresnak... eta inguruan dabilen muxarra ipurtarina. Eskailera ezinezko oreka bihurtzen da. Egur puxkak esku-joko. Keak badu kode propioa. Txondorrak berriz, egurrez eta lurrez egindako bihotz baten moduan jotzen du. Zirku-tekniken, txotxongiloaren eta emozio garbien artean, itzaltzen ari den mundu baten erretratua agertzen zaigu… baina oraindik pizteko gaitasuna duena. Familia osoarendako ikuskizun honek ondorengo galdera piztuarazten du: Zerk merezi du ahanzturatik libratua izatea?